Myanmarnese, Are we corrupt? And how you wanna deal with it? (2)

အကျင့်ပျက်မှု ကိုဘယ်လိုတိုက်ဖျက်ကြမလဲဆိုတာကို ဆက်လိုပါတယ်။ အာရှနိုင်ငံများရဲ့ အကျင့်ပျက်ချစားမှု တိုက်ဖျက်ခဲ့ရမှာ စံနမူနာယူရလောက်အောင် အောင်မြင်ခဲ့ရတဲ့ နိုင်ငံများနဲ့ အဖွဲ့အစည်းများကတော့ ဖိလစ်ပိုင် နိုင်ငံရဲ့ ပြည်တွင်းအခွန်များ ဦးစီးဌာန၊ ဟောင်ကောင်ပြည်သူ့ရဲတပ်ဖွဲ့ နဲ့ စင်ကာပူနိုင်ငံရဲ့ အကောက်ခွန်ဌာန ဖွဲ့စည်းတည်ဆောက်ပုံများပဲ ဖြစ်ပါတယ်။ ဖိလစ်ပိုင်နိုင်ငံရဲ့ အကောက်ခွန်ဌာန မှာ ညွှန်ကြားရေးမှူးချုပ်ဖြစ်ခဲ့သူ ၊ အကောက်ခွန်အဖွဲ့အစည်းအတွင်းက အကျင့်ပျက်ချစားမှုများကို တိုက်ဖျက်နိုင်ခဲ့သူ ဖရန် ပလန်နာ (Efren Plana) ရဲ့ အတွေ့အကြုံကတော့ ဒီလိုပါတဲ့ ခင်ဗျာ။

- အခွန်ကောက်စာရေး ခရုဇ် ဆိုတဲ့သူဟာ ကား (၃)စီးပိုင်ကာ အိမ်ကြီးအိမ်ကောင်းကြီးထဲမှာ အကုန်အကျများလှတဲ့ ပါတီပွဲတွေကို အဆက်မပြတ်ပေးနိုင်ပါတယ်တဲ့။

- လောရိုလို့ခေါ်တဲ့ အငယ်တန်းစာရေးတစ်ယောက်ကတော့ ဘဏ်ကပေးလိုက်တဲ့ လက်ခံကို ပီဆို (၂)သိန်းကျော်ပိုရေးပြီးတင်ထားတယ်ဆိုတာ စာရင်းတွေစစ်ကြည့်တဲ့အခါမှာ တွေ့ရပါတယ်။

- ဘောင် (Bong) ဆိုတဲ့ အမြတ်ခွန် ကောက်စာရေးကတော့ ကျွန်းသစ်ကုမ္ပဏီ တွေက အခွန်ငွေ ပီဆို (၁) သန်းကျော်ကို သူ့ရဲ့ ကိုယ်ပိုင် ဖြတ်ပိုင်းစာအုပ်ထဲကနေ ရေးပေးလိုက်ပါတယ်တဲ့။ အစိုးရဆီလဲ အဲဒီ့ငွေမရောက် ကုမ္ပဏီကတော့ အခွန်ပေးပြီးသားဖြစ်သွားပြီပေါ့။

- ရီးရက်(စ်) နဲ့ ဆန်တို့(စ်) တို့ ၂ဦးစလုံးဟာ စုံစမ်းစစ်ဆေးရေးမှူးတွေပါ။ သူတို့ရဲ့ တာဝန်က ကုမ္ပဏီပိုင်ရှင် တွေ အခွန်ဆောင်တာဟာ စာရင်းမှန်ကန်မှုရှိ၊ မရှိ စုံစမ်းစစ်ဆေးရပါတယ်။ ကုမ္ပဏီတစ်ခုဟာ အခွန်ငွေ ပီဆို (၂) သန်းကျော် ထိန်ချန်ထားတာကို သူတို့တွေ့ခဲ့ပါတယ်တဲ့။ အဲဒီ့ကုမ္ပဏီပိုင်ရှင်ကို သူတို့ ပါးစပ်ပိတ်ထား စေချင်ရင် ပီဆို (၁) သန်းပေးပါလို့ တောင်းပါတယ်။ ဒါပေမဲ့ အဲဒီ့ကုမ္ပဏီပိုင်ရှင်က ရဲကိုတိုင်ပြီးတော့ ထောင်ဖမ်းလိုက်တော့ သူတို့နှစ်ဦးစလုံး အဖမ်းခံလိုက်ရပါတယ်။

ပြီးတော့ အဲဒီလို အကျင့်ပျက်ချစားနေတာတွေကလဲ သိသိသာသာပါပဲတဲ့။ မနီလာမြို့ရဲ့ အကောင်းဆုံး၊ ဈေးအကြီးဆုံး ၊ အပျံစားဆိုတဲ့ကားတွေကို ကြည့်ချင်ရင် အခွန်ဦးစီးဌာနရဲ့ ကားရပ်တဲ့ နေရာမှာပဲ သွားကြည့်လိုက်ပါလို့ အဲဒီ့ပြည်တွင်းဦးစီးဌာနက ၀န်ထမ်းတစ်ဦးက သုတေသနပညာရှင်တစ်ဦးကို ပြောခဲ့တယ်လို့ဆိုပါတယ်။

လာဘ်စားမှုကို တိုက်ဖျက်တဲ့နေရာမှာ ပထမဆုံးလုပ်ဆောင်ရမဲ့အရာက အဲဒီ့ဌာနတစ်ခုခုရဲ့ အထက်ဆုံးက လူ ကို ပြောင်းပစ်ရမယ်လို့ ပလန်တာက ဆိုပါတယ်။ မြန်မာနိုင်ငံမှာတော့ ဌာနရဲ့ အထက်ဆုံးနဲ့တင် မလုံလောက်လောက်တော့ပါဘူး။ အထက်ဆုံးကြီး ဘ၀ပြောင်းတော့မယ်လို့တော့ ထင်ရတာပဲဗျာ၊ နော့်။ ကျွန်တော်တို့အမြင်ကို ပြောပြတာပါ။ ပလန်တာကို ဖိလစ်ပိုင် သမ္မတ မားကို့(စ်) က ပြည်တွင်းအခွန်များ ဦးစီးဌာနရဲ့ ကော်မရှင်နာမင်းကြီးအဖြစ် တာဝန်ယူဘို့ ၁၉၇၅ခုနှစ်မှာ တာဝန်ပေးအပ်ခဲ့ခြင်းဟာ အထက်ဆုံးက လူကို ပြောင်းပစ်လိုက်တာပါပဲ။

အကျင့်ပျက်မှု အတိုင်းအတာကို ခန့်မှန်းသည့် ပထမအဆင့်

ပထမဆုံး ပလန်တာဆောင်ရွက်ရတဲ့ အရာတွေကတော့ ပြည်တွင်းအခွန်များဦးစီးဌာနရဲ့ လုပ်ငန်းဆောင်တာ တွေကို သင်ယူဘို့နဲ့ ကြုံတွေ့နေရတဲ့ ပြသနာတွေကို သိရှိနားလည်ဘို့ပါပဲ။ ပထမဆုံးအနေနဲ့ အခွန်ဦးစီးဌာနရဲ့ အရာရှိကြီးပိုင်းတွေကို ပလန်တာ အုပ်စုလိုက် အစည်းအဝေးခေါ်ပြီးတော့ တွေ့လိုက် ပါတယ်။ ပြီးတော့ သူတို့တစ်တွေဦးဆောင်နေရတဲ့ ဌာနခွဲတွေရဲ့ လုပ်ကိုင်ဆောင်ရွက်မှုပုံစံတွေ ၊ တွေ့ကြုံနေရတဲ့ ပြသနာတွေ အဲဒီ့ပြသနာတွေကို ဘယ်လိုဖြေရှင်းမလဲဆိုတဲ့ အကြံပေးချက်တွေ ကို ရီပို့ ရေး ပြီးတော့ တင်ခိုင်းပါတယ်။ အဲဒီ့ရီပို့တွေ ရေးဘို့အတွက် အချိန်ကိုလဲ (၂)ရက်ပဲ ပေး ပါတယ် တဲ့။ အဲဒီမှာ ပလန်တာ အံ့အားသင့်ခဲ့ရတဲ့ အရာတစ်ခုကတော့ အကျင့်ပျက်ချစားမှုဟာ ပြည်တွင်းအခွန်ဦးစီးဌာနကြီးရဲ့ အဓိကပြသနာကြီးဖြစ်ပေမဲ့ တော်တော်များများ အရာရှိကြီးတွေဟာ အကျင့်ပျက်မှုကို ပြသနာတစ်ခု အဖြစ် ထည့်သွင်း မဖော်ပြ ကြဘူးဆိုတာပါပဲ။

အဲဒီ့နောက်မှာတော့ ပလန်တာဟာ အရာရှိကြီးတွေကို တစ်ဦးချင်းသီးခြားဆီ တွေ့ဆုံ မေးမြန်းပါတယ်။ သူပြောခဲ့တဲ့ စကားတစ်ခွန်းရှိပါတယ်။ ပြည်တွင်းအခွန်များဦးစီးဌာနထဲကို ကိုယ့်ကိုကိုယ် အလွန်သန့်ရှင်းတဲ့သူ တစ်ယောက်၊ ပြီးတော့ အဲဒီ့ဌာနထဲကလူတွေအားလုံးဟာ အကျင့်ပျက်တွေချည်းပဲလို့ မှတ်ယူပြီးဝင်သွားလို့ မရပါဘူး။ အဲဒီ့လိုထင်ပြီး လုပ်ကိုင်ဆောင်ရွက်မယ်ဆိုရင် သူတို့ရဲ့ ပူးပေါင်းဆောင်ရွက်မှုကို မင်းဘယ်လိုလုပ် ရတော့မလဲ ဆိုတာပါပဲ။ အဲဒီ့နောက်မှာတော့ အလယ်တန်းအရာရှိတွေ၊ စာရေးတွေ၊ ပြည်သူလူထု အများကြီးနဲ့ ပလန်တာ တွေ့ဆုံဆွေးနွေးပြီး အကြံဥာဏ်တွေ သတင်းအချက်အလက်တွေ ရယူခဲ့ပါတယ်။

အဲဒီ့သတင်းအချက်အလက်တွေ အကြံဥာဏ်တွေရရှိလာခဲ့ပြီးတဲ့အခါမှာတော့ ပလန်တာဟာ အကျင့်ပျက်မှု မရှိခဲ့တဲ့ အရာရှိကြီးတွေကို အခွန်ဦးစီးဌာနရဲ့ အလုပ်ခန့်အပ်မှုတွေ ၊ အခွန်ပေးဆောင်မှုစံနစ် ပုံစံတွေကို လေ့လာဆန်းစစ်ဘို့အတွက် တာဝန်တွေထပ်ဆောင်းပေးခဲ့ပါတယ်။ နောက်ပြီးတော့ သန့်ရှင်းမှု အရှိတကာ့ အရှိဆုံးဆိုတဲ့ အသက်ငယ်ရွယ်သူ လက်မှတ်ရပြည်သူ့စာရင်းကိုင် (CPA) ခြောက်ယောက်ကို ခေါ်ယူပြီးတော့ သင်္ကာမကင်းရှိဘွယ်ရာ အပိုင်းတွေကို စစ်ဆေးခိုင်းလိုက်တဲ့အခါမှာ ပလန်တာဟာ အခွန်ဦးစီးဌာနအတွင်းမှာ ဘယ်လို့ လာဘ်ပေးလာဘ်ယူမှုတွေပြုလုပ်ကြတယ်။ ဘယ်လိုနည်းလမ်းနဲ့ လိမ်ညာကြသလဲဆိုတာကို ရှင်းရှင်းလင်းလင်းကြီး သိလာရပါတယ်တဲ့။

အဲဒီလိုသိလာပြီးနောက်ပိုင်းမှာတော့ပလန်တာဟာ ဌာနတွင်း ရှင်းလင်းမှုကို ပြတ်ပြတ်သားသား ဆောင်ရွက် ပါတော့တယ်။ လာဘ်စားတဲ့သူကို မြန်မြန်ဆန်ဆန်နဲ့ ပြင်းပြင်းထန်ထန် အပြစ်ပေးခြင်းဟာ အကျင့်ပျက်မှုကို တိုက်ဖျက်ရာမှာ အလွန်ပဲထိရောက်မှု ရှိတယ်လို့ သူကဆိုပါတယ်။ ၁၉၈၅ခုနှစ် ပလန်တာ ပင်စင်ယူတဲ့ အချိန်မှာတော့ ဖိလစ်ပိုင်ပြည်တွင်းအခွန်များဦးစီးဌာနဟာ အလွန်ပဲ နာမည်ကောင်းရ နေခဲ့ပါပြီ။

ဒီနေရာမှာ တစ်ခုစိတ်ဝင်စားစရာကောင်းတာက ပလန်တာကို ပြည်တွင်းအခွန်များဦးစီးဌာနရဲ့ ချစားမှုကို တိုက်ဖျက်ပစ်ပါလို့ တာဝန်ပေးခဲ့တဲ့ ဖိလစ်ပိုင် သမ္မတ မားကို့စ်ဟာ အကြီးအကျယ်အကျင့်ပျက်ခဲ့တဲ့ သူတစ်ယောက် ဖြစ်တယ်ဆိုတာပါပဲ။ ဒါပေမဲ့ နိုင်ငံ့ရဲ့ စီးပွားရေး အမှန်တစ်ကယ်အကြီးအကျယ် ယိမ်းယိုင်ပျက်စီး လာချိန် (၁၉၇၀ နှစ်လယ်များအတွင်း ဖိလစ်ပိုင် စီးပွားရေးကျဆင်းမှု) မှာတော့ သမ္မတမားကို့စ်ဟာ အကျင့်ပျက်မှုကို တိုက်ဖျက်ပစ်ရမယ်ဆိုတဲ့ အသိတရားကိုတော့ ၀င်ခဲ့ပုံရ ပါတယ်။ မြန်မာနိုင်ငံရဲ့ သေခါနီးမားကို့စ်များ၊ မားကို့စ်ထက်ဆိုးသူများ ဒီဖြစ်ရပ်ကို သင်ခန်းစာယူကြဘို့ တိုက်တွန်းပြောကြားရင်း ဒီပို့စ်ကို ခေတ္တ အဆုံးသတ်ပါရစေလား ခင်ဗျာ။