To the modern and developed Nation

ခောတ်မှီဖွံ့ဖြိုးတိုးတက်သော နိုင်ငံတော်သစ်ကြီးဆီသို့ သွားနေကြပြီဆိုရင်ဖြင့် နည်းပညာ တိုးတက်မှု အခန်းကဏ္ဏဟာ အလွန်ပဲ အရေးပါလို့ လာပြီပေါ့ခင်ဗျာ။ နိုင်ငံခြားကို ပညာတော်သင်တွေစေလွှတ်ခြင်းအားဖြင့် နည်းပညာကို ရယူမဲ့ နိုင်ငံကြီးတွေလိုမျိုးမှာ ဆိုရင်တော့ ထုတ်ကုန်တွေကို ထုတ်လုပ်ဘို့အတွက် လိုအပ်တဲ့ နည်းပညာဟာ Labour လို့ခေါ်တဲ့ လုပ်အားနဲ့ Capital လို့ခေါ်တဲ့ အရင်းအနှီး ၂ခုစလုံးအပေါ်မှာ မူတည်နေပါတယ်လို့ Solow ကဆိုခဲ့ပါတယ်။ ဖော်မြူလာအနေနဲ့ ပြောရရင်တော့ Yt = F(Kt,Lt) ပေါ့ခင်ဗျာ။ Parameter တွေ ၂ခု ဒါမှမဟုတ် ၂ခုထက်ပိုပြီးတော့ ပါဝင်တဲ့ သချာင်္ Function တွေရဲ့ အခြေခံအကျဆုံး သဘောတရားကတော့ ထွက်ရှိလာမဲ့ Output (Yt) ရဲ့ အနည်းအများဟာ ပါဝင်တဲ့ အစိတ်အပိုင်း ၂ခုစလုံးဖြစ်တဲ့ လူ့စွမ်းအား အရင်းအမြစ်နဲ့ ၊ အရင်းအနှီး ၂ခုစလုံးအပေါ်မှာ မူတည်နေတယ်ဆိုတာပါပဲ။ ဆိုလိုချင်တာက ငွေရှိပြီး လူမရှိရင် နည်းပညာမထွန်းကားနိုင်သလို၊ လူချည်းပဲရှိပြီးတော့ ငွေမရှိပြန်ရင် လဲ နည်းပညာမထွန်းကားနိုင်ပါဘူး။

စီးပွားရေးပညာရှင် ရောဘတ်ဆိုလိုရဲ့ တွက်ကိန်းအရ ခေတ်မှီဖွံ့ဖြိုးတိုးတက်တဲ့ နိုင်ငံတော်ကြီး ဆီကို သွားနေတဲ့သူများ ပန်းတိုင်ကို ရောက်နိုင်စွမ်းရှိ ၊ မရှိ တွက်ဆကြည့်လိုက်ကြရအောင်လားခင်ဗျာ။

ရောဘတ်ဆိုလိုကတော့ အရေးကြီးတဲ့ တွက်ဆချက် (၃)ရပ်ကို ချပြထားခဲ့ပါတယ်။

- ပထမဆုံးအချက်ကတော့ အရင်းအနှီးတွေကို လူတွေရှိသလောက် အချိုးညီညီ ထုတ်ပေး၊ လူတွေကို အရင်းအနှီး တတ်နိုင်သလောက် ပြုစုပျိုးထောင်ပေး ရင် ထုတ်ကုန်တွေ ပိုမိုထွက်ရှိလာမှာ ဖြစ်တဲ့အတွက် စီးပွားရေး တိုးတက်မှုနှုံးကြီးမြင့်လာလိမ့်မယ်။

- ဒုတိယအချက်ကတော့ - ဆင်းရဲတဲ့နိုင်ငံတွေဟာ ချမ်းသာတဲ့နိုင်ငံတွေထက် တိုးတက်မှုနှုံး ပိုမြန်လိမ့်မယ်။ ဘာဖြစ်လို့လဲဆိုတော့ ချမ်းသာတဲ့နိုင်ငံတွေမှာ အရင်းအနှီးတွေ ဟာ အများကြီးရှိနေပြီးဖြစ်တဲ့အတွက် ဆင်းရဲတဲ့နိုင်ငံတွေမှာ အရင်းအနှီးထည့်ထားတာလောက် အကျိုးအမြတ် များများစားစားမရနိုင်ဘူး။

- တတိယအချက်ကတော့ - အဲဒီလိုတိုးတက်လာတဲ့ နိုင်ငံတွေဟာ တစ်ချိန်ချိန်မှာ တိုးတက်မှုနှုံးနှေးကွေး လာပြီးတော့ တည်ငြိမ်သွားတဲ့ အခြေအနေ (Steady State) ကို ရောက်သွားမှာပဲ။ ဘာဖြစ်လို့ အဲဒီလို ဖြစ်ရသလဲဆိုတော့ အရင်းအနှီး ထည့်သလောက် အကျိုးအမြတ်မရတော့တဲ့ အခြေအနေ (Diminishing Return) တွေကြောင့်ပဲဖြစ်တယ်။

Diminishing Return ကို အလွယ်တကူရှင်းပြရမယ်ဆိုရင်ကတော့ ဥပမာအားဖြင့် အရင်းအနှီး ၁ကျပ်ထည့် လိုက်ရင် ၂၀ပြား အမြတ်ပြန်ရတယ်ဆိုကြပါစို့။ ဒီအမြတ်ရာခိုင်နှုန်းဟာ အရင်းအနှီး ၁၀၀ကျပ်အထိပဲ မှန်ကန်မှုရှိနိုင်တာမျိုး ဖြစ်တတ်ပါတယ်။ အရင်းအနှီး ၂၀၀ ထည့်လိုက်လဲ အမြတ်ဟာ ၂၀ပဲ ကျန်တော့တာမျိုး ကို လျော့နည်းလာသော အကျိုးအမြတ် (Diminishing Return) လို့ခေါ်ပါတယ်။

အထက်ကဆိုခဲ့တဲ့အတိုင်း စီးပွားရေး တိုးတက်မှုနှုန်း တံ့နေတဲ့ အခြေအနေကို ဖောက်ထွက်ဘို့ရာကျတော့မှ နည်းပညာ အသစ်တွေကို ဖော်ထုတ်ပြီးတော့ ဆက်လက်တိုးတက်အောင် လုပ်ပါလို့ (Solow) က ပြောခဲ့ပါတယ်ခင်ဗျား။

ခောတ်မှီဖွံ့ဖြိုးတိုးတက်တဲ့ နိုင်ငံတော်သစ်ကြီးဆီကို သွားနေတဲ့ နိုင်ငံကြီးရဲ့ အရင်းအနှီးတွေကို တစ်ချက်လောက်လေ့လာကြည့်ကြရအောင်လားခင်ဗျာ။

Social Capital - လို့ခေါ်တဲ့ စီးပွားရေးအဆောက်အအုံတွင်းမှာ ရှိတဲ့ လူတွေ တစ်ဦးကို တစ်ဦး ဘယ်လောက်တောင် ယုံကြည်စိတ်ချရမှုရှိသလဲဆိုတဲ့ တန်ဘိုးတွေ။ (နိုင်ငံတော်သစ်ကြီးတွင်းက လူများ ငွေချေးလိုသလား။ ရွှေပေါင်၊ မြေပေါင်ပေးပါ။ စိတ်ချပါတယ်။) နိုင်ငံတော်သစ်ကြီးဆီကို မသွားတဲ့နိုင်ငံတွေ မှာတော့ သိန်းရာကျော်၊ ထောင်ကျော်ကို လက်မှတ်တစ်ချက်ထိုးပေးယုံနဲ့ ထုတ်ချေးလိုက်ကြတာပဲဗျ။ ယုံကြည်မှုနဲ့ ဂုဏ်သိက္ခာကိုပဲ လူတွေ အပေါင်ထားခဲ့ကြတာပဲ။ ဒါပေမဲ့ အဲဒါတွေကို အပေါင်ထားခဲ့တဲ့သူတွေကလဲ အချိန်မှန်ပြန် ရွေးချယ်နိုင်ကြတယ်ဗျာ။ ခေတ်မှီတဲ့နိုင်ငံမှာတော့ ထမိန်စုတ်က အစပေါင်လို့ရတယ်ဗျို့။

Individual Capital - လို့ခေါ်တဲ့ ကိုယ်ပိုင်အရည်အချင်းရှိကြတဲ့သူတွေ။ (လူတွေပြောပြောနေကြတဲ့ Talent ပေါ့ခင်ဗျာ။ ဒါပေမဲ့ အဲဒီ့လူတွေကို Societies လို့ခေါ်တဲ့ လူ့အဖွဲ့အစည်းတွေက အကာအကွယ်တွေ ပေးထားကြ ပါတယ်တဲ့) ခေတ်မှီဖွံ့ဖြိုးတိုးတက်တဲ့ နိုင်ငံတော်သစ်ကြီးဆီကို သွားနေတဲ့ နိုင်ငံကြီးမှာ ၀ါးရင်း တုတ်ကြီးတွေကိုင်ပြီး ကာကွယ်ပေးနေတာတောင် ကျွန်စိတ်ရှိတဲ့သူတွေ တစ်ခြားနိုင်ငံကို ထွက်နေကြတာ အံ့တယ်ဗျာ။

Financial Capital - လို့ခေါ်တဲ့ ငွေကြေးအရင်းအနှီး ။ ခေတ်မှီဖွံ့ဖြိုးတိုးတက်တဲ့ နိုင်ငံတော်ကြီးမှာ ရှိပါ့ဗျား။ ကမ္ဘာ့ဘဏ်ထဲမှာလေ။ ဘီလီယံချီလို့ ။ (အနုတ်လက္ခဏာလေးဖြစ်နေတာပဲ ဆိုးတယ်ဗျာ)

Infrastructure Capital - လမ်းတွေဖောက်၊ တံတားတွေဆောက်။ လမ်းတွေဖောက်၊ တံတားတွေဆောက်၊ လမ်းတွေဖောက်၊ တံတားတွေဆောက်။ မိုးကြီး၊ မုန်တိုင်းတိုက် တံတားအစင်းလိုက်မျော။ ကုန်ပြီ။ ထားလိုက်ပါတော့ခင်ဗျာ။ Infrastructure ဆိုတဲ့ စကားလုံးကို လမ်းတွေဖောက်၊ တံတားတွေဆောက်ယုံနဲ့ ပြည့်စုံပြီယူဆကြတဲ့ ခေတ်မှီဖွံ့ဖြိုးတိုးတက်တဲ့ နိုင်ငံတော်ကြီးကို သွားနေသူများ Infrastructure ဆိုတဲ့ စကားလုံးကို အရင်ဆုံး ပြည့်ပြည့်စုံစုံနားလည်အောင် အရင်ဆုံးလေ့လာဘို့ လိုအပ်တယ်ထင်ပါတယ်ခင်ဗျား။ တံတားတစ်ခုတည်ဆောက်ပြီးစီးသွားတာဟာ Structure တစ်ခုအနေနဲ့သာ ပြီးစီးသွားတာဖြစ်ပြီးတော့ Infrastructure တစ်ခုအနေနဲ့ ပြည့်ပြည့်စုံစုံ ထားရှိလိုတယ်ဆိုရင် ဘာတွေလိုအပ်သလဲဆိုတာ လေ့လာကြဘို့ ၊ သိရှိပြီးကြရင်လဲ လိုက်နာဆောင်ရွက်ကြဘို့ လိုအပ်တယ်လို့ ကျွန်တော်တို့ အကြံပြုလိုပါတယ်။

Natural Capital - လို့ခေါ်တဲ့ သဘာဝအရင်းအမြစ်။ (ဟား နောက်ဆုံးကျတော့မှပဲ ခေတ်မှီဖွံ့ဖြိုးတိုးတက်တော့ မဲ့နိုင်ငံတော်ကြီးမှာ အရင်းအနှီးတွေ အများကြီးရှိလာတော့တယ် ) ကျွန်းသစ်၊ ကျောက်မျက်၊ ဓာတ်ငွေ့ အကုန်ထုတ်ရောင်းပြီးတော့ နိုင်ငံတော်ကြီး ဖွံ့ဖြိုးအောင်လုပ်ကြစို့ဟေ့။ လူတွေနိုင်ငံခြားပို့ ပညာသင်ပေးဟ။ ပြီးရင်ငါတို့နိုင်ငံကြီးတိုးတက်ပြီ။

သဘာဝအရင်းအမြစ်ဆိုသည်မှာ - စီးပွားရေးပညာရှင်များ၏ အဓိပ္ပာယ်ဖွင့်ဆိုချက်

လူနှင့် သဘာဝပတ်ဝန်းကျင် ထိတွေ့ဆက်ဆံ ရမှုများတွင် အမြဲတမ်းတည်ရှိနေအောင် ထိန်းသိမ်းစောင့်ရှောက်ထားရမည့် အရာများဖြစ်သည်။ ထိုသဘာဝအရင်းအမြစ်များမှ သက်ရှိသတ္တ၀ါများ၏ ဂေဟစံနစ် အားအထောက်အကူပေးထားခြင်းဖြစ်သည်။ ဥပမာဖြင့် - မပျက်မစီးတည်ရှိနေသော မြစ်တစ်ခုမှ လယ်ယာမြေများအတွက် လိုအပ်သော ရေအရင်းအမြစ်နှင့် ၊ လူသားများအတွက် ရေထွက်ကုန်ပစ္စည်းများကို ထောက်ပံ့ပေးပေမည်။

Solow ရဲ့တွက်ကိန်းတွေသာမှန်ကန်မယ်ဆိုရင်တော့ ခေတ်မှီဖွံ့ဖြိုးတိုးတက်တဲ့နိုင်ငံတော်ကြီးမှာ ဒီလိုဖြစ်လာနိုင်စရာ အကြောင်းများရှိသည်ဟု ကျွန်တော်တို့ မြင်မိပါတယ်ခင်ဗျား။ ခေတ်မှီတိုးတက်တဲ့ နိုင်ငံတော်ကြီးကို သွားလိုသူတစ်စုရှိသည်။ ခေတ်မှီလိုသဖြင့် နည်းပညာဖွံ့ဖြိုးအောင် လုပ်ရမယ်။ နည်းပညာ အတွက် လုပ်သားနှင့် အရင်းအနှီးလိုသည်။ လုပ်သားများအား နိုင်ငံခြားပို့ ပညာသင်စေမည်။ (နိုင်ငံခြားမှာ ပညာသင်တိုင်း တစ်ကယ်စွမ်းဆောင်နိုင်မှုရှိ၊ မရှိကို ကျွန်တော်တို့ နောက်ထပ်ဆွေးနွေးပါဦးမယ်။ ခေတ်မှီတဲ့ နိုင်ငံတော်ကြီးက လူတွေများကတော့ နိုင်ငံခြားမှာ ပညာသင်ရင် အတော်အထင်ကြီးကြတာဗျ။ တစ်ခြားနိုင်ငံမှာ ဓားမနောက်ပိတ်ခွေး လောက်တောင် အဆင့်မရှိတာ ဘယ်သူမှသိတာမဟုတ်ဘူး။ နိုင်ငံတော်ကပို့လိုက်တဲ့ ကျောင်းတွေကလဲ ကောင်းမှကောင်း ဆိုတော့) အရင်းအနှီးကတော့ ရှိသည့် အရင်းအနှီးအား ထုတ်ရောင်းပြီး အရင်းပြုရမည်။ လုပ်သားများ ထုတ်ရန်အတွက်လဲ အရင်းအနှီးထုတ်ရောင်းရ သေးသည်။ ကြုံတုံး ငါ့အိတ်ထောင်ထဲလဲ ထည့်လိုက်ပါဦးမည်။ နှစ်များစွာကြာသောအခါ လုပ်သားများထွက်လာ ချေပြီတည်း။ သို့သော်လုပ်သားများကား ချိုကျိုးနှင့် နားရွက်ပဲ့၊ နည်းပညာအတွက် လုပ်သားသာ မက အရင်းအနှီးပါထပ်လိုအပ်သည်ဖြစ်သောကြောင့် ထုတ်ရောင်းစရာ ကြည့်လိုက်သောအခါတွင် သစ်တောက ပြောင်နေချေပြီ။ အရေးထဲ နာဂစ်က ၀င်မွှေ့လိုက်ပြန်သေးသည်။ တစ်ချက်ခုတ် နှစ်ချက်ပြတ် သူတောင်းစားလုပ်ခြင်းဖြင့် အရင်းအနှီး ရှာဖွေလိုက်လေသတည်း။ အောင်မြင်လျှင် ခေတ်မှီဖွံ့ဖြိုးတိုးတက်သည့် နိုင်ငံတော်ကြီးဆီရောက်ရန် နီးချေပြီ။ သို့သော် နိုင်ငံတော်ကြီး ခေတ်မှီ၊ မမှီ ယခုအချိန်တွင် အရေးမကြီးတော့ပါ။ စင်ကာပူ ဘဏ်များအတွင်းတွင် ခေတ်မှီဖွံ့ဖြိုးတိုးတက်သော ငါတို့မိသားစုကြီး တည်ဆောက်ရန်အတွက် အရင်းအနှီး ၁၀သက်စာမက အလုံအလောက်ရှိနေပြီး ဖြစ်လေတော့သတည်း။

(စာကြွင်း။ ။ Solow ရဲ့ ဥပဒေသကို နိုင်ငံတော်ကြီး အတိုင်းအတာတစ်ခုအနေနဲ့ တော့ ကျွန်တော်တို့ အစွမ်းအစမရှိတဲ့အတွက်ကြောင့်မို့လို့ အသုံးမချနိုင်ပါဘူးခင်ဗျား။ ဒါပေမဲ့ ရပ်ကွက်အတွင်းမှာ နေထိုင်ကြတဲ့ ဆင်းရဲနွမ်းပါးတဲ့ သူများအတွက် တော့ ကျွန်တော်တို့ အသုံးချပေးနိုင်မယ်၊ အကျိုးရှိနိုင်မယ်လို့ထင်တဲ့အတွက် ကြံစည်မိပါတယ်။ ဥပမာ နေ့ပြန်တိုး နဲ့ ကျွေးဆပ်နေရတဲ့ အိမ်ထောင်စုတစ်ခုအတွက် အတိုးနှုံးသက်သက်သာ သာနဲ့ ကျွန်တော်တို့ ငွေချေးပေးနိုင်မယ်ဆိုရင် သူတို့ရဲ့ဘ၀တွေ အများကြီး အသက်ရှူ ချောင်လာနိုင်ပါတယ်။ တရားဝင်ငွေချေးချင်ရင် လိုင်စင်ခက သိန်း ၅၀ ကျော် ၁၀၀တဲ့ခင်ဗျ။ တရားမ၀င်ငွေပေးမယ်လို့ကြံလိုက်တော့ ၀ါးရင်းတုတ်ကြီးနဲ့ လူကြီး ကျွန်တော်တို့ဆီရောက်လာတယ်။ ဒီလူတွေကို နေ့ပြန်တိုး ၂၀နှုံးနဲ့ သူတရားမ၀င်ချေးနေတာ တိုက်တောင် ၃လုံးပိုင်ပြီတဲ့၊ ပြီးတော့ ငါက ပါဝါရိန်းဂျား ဂိုဏ်းသားဆိုလား။ မင်းတို့က ငါ့စီးပွားရေးကို တုတ်နဲ့ထိုးရင် ၊ ငါက မင်းတို့ကို တုတ်နဲ့တီးမယ်ဆိုလို့ ကျွန်တော်တို့ Solow ရဲ့ ဥပဒေသကို အသုံးမချနိုင်ခဲ့ပါဘူးခင်ဗျား။)